الا يا الله تشفي سقمها وتزيل عنها الهم

[محمد القحطاني..]

.





قصيدة محمد فهد الجربوع في والدته رحمها الله



بديـت بذكـر خــلاق العباد اللي لهــم يرحـــم
عظيم الشان علام السراير مجري الانسامـي

يحفـظ اللي غلاهـا وسـط خفـاق بهـا مهتـــم
لهـا بالفرقديـن اعلـى مقــام ومنـزل سامــي

انـا بحمـاك ياللي تستجيـب لدعــوة المسلــم
تنجيهــا مـن اللـي صابهــا وتحقــق احلامـي

ترى لو تطلب الروح العزيزه قلت يمــه تـــم
اعلقهــا علـى صــدر الحبيبــه تــاج وسـامي

الا ياللـه تشفـي سقمهـا وتزيـل عنهـا الهـــم
بجاهـك يالحكيــم اللي تعالـج كـــل الاسقامــي

عسـى ماصابهـا تكفيــر ومـن الامهــا تسلـــم
تطيب من المرض وتقوم تمشي فوق الاقدامي

الــى ناديـــت يمــــه ماتجاوبنــي وتتــكلــم
كأن الكبــد وسط الجوف فيها مخطـر حامـي

عليها الدمع عيني تزعجه من فوق خدي دم
وراقـــب للنجــوم الساريــه بالليــل مانامـي

اناجـي في دجـى الليـل البهيـم لواحــد يعلــم
إلــه الكـون حيثــه للخفــا والغيــب علامــي

دخيلك يامجيـب المستغيث اللي جذبـه اليـــم
تــروف بحالهــا يالمقتــدر مـن كل الاوهامي

انـا صابـر علـى ماقــدر المولــى وما يقســم
ولـو جـارت صواديـف الزمـان وغــدر الايامي



الشاعر : محمد فهد الجربوع العنزي