جربت حظك او حاولت <== حياك هنا!

[مبشر بالخير]

شكرا ويعطيك العافية على هذا الموضوع ولابد الاسان ان يجرب ويحاول حتى يصل لهدفه ... شرايك بمشروع تاجير السيارات ...في عنيزه بس بطريقة تاجير بسائق اوبدون سائق داخل او خارج عنيزة.. بس تبقى هناك مشكلة انني لست من عنيزة .. ولكن اعتقد ان المشروع سينجح... مارايك؟وتقبل مروري وتحياتي

[رااااالي القصيم]

السلام عليكم ورحمة الله وبركاته

[بوفارديا]

المشاركة الأصلية كتبت بواسطة مبشر بالخير

معليش ع اللقافه بس حابه افيدك

تاجير سواق وسياره للمواصلات
مشروع مربح
اذا كانت السياره
تشيل
6 انفار
ونقول الصبح
توصيل طالبات للمليداء
600 ريال في 6 يساوي 3600 ريال
ومشاوير العصر نقول 100 ريال يوميا
100 في 30 يساوي 3000
شهريا 6600 ريال
اخصم منها
السواق 800 ريال راتب+عموله 100 +البنزين 1500 ريال

صافي لك شهريا 4200 ريال
ولو سواقك شاطر بيطلع لك اكثر
وانا حسبت لك باليوم 100 ريال واحيان توصل يوميا 300 ريال
بس انصحك تخليه بالمناطق البعيده تدخل لك اكثر
مثل البكيريه
البدايع
رياض الخبرا
لانه يحتاجون سواقين اهلها لان مشاويرهم بعيده
وفالك التوفيق يارب

[Speciall]

[ابو طيــــــــف]

السلام عليكم ورحمة الله وبركاته
بقول موضوعي بس تراه فلم هندي طويل اقرؤه والله فيه فايده لكم
انا حاولت وسويت شي ما اعتقد احد سواه بكحم الايراده القويه عندي
انا ياناس مشيت من الكويت الى عنيزه عشان اعرف شنو البضايع اللي يحبونها الزبائن

وفعلا مريت على سوق الجديده بعنيزه وفريت على المحلات والله طرحني بيدين ابن حلال وعقدت معه صفقه وبشرط انه يشوفني اذا انا نجحت يتعامل معاي واذا خسرت ماله اي شغل فيني وقلتله لا تدفع اريال الا لين تثق في تسويقي وبضاعتي وفعلا جبت 50 قطعه
<<<<<<<<< ذكي ماهو قايل وشنهي

وحطيتهن في محله واشتروهن الناس مثل اللوز ما طولن
وجبتله 200 قطعه بفلوسه هو طبعا ومشت البضاعه كلهااا
اذا به يقول ياحمود اذا تمشي معاي صح راح اخليك تطلع فوق النجوم وفعلا انا واعوذ بالله من العنا
امين وصدوق قلت ما المرحله القادمه
قال انا عندي محل بعنيزه
ومحلين بالرس
ومحل بحايل
ومحلين بالرياض
ومحل في حفر الباطن
وابي بضاعتك في المحلات جميعهن
وقلت كم قطعه تبي
قال على الاقل 800 قطعه
قلت انا فقير من وينلي اجيب هالبضاعه هي مكلفه
فقال اسلمك نص المبلغ الحين والباقي بعد وصول البضاعه
قلت تم
رجعت للكويت وتسلفت من اخواني والوالده الله يطول بعمرها وجبت البضاعه وسلمني النص الثاني من المبلغ
وانا فايدتي بالقطعه 60 ريال وبعد ماتعاملت معه قلتله انا تكفيني 50 ريال مابي اهضم حقك والخير الي انا فيه منك مابي اطمع قال تم وكل شهرين ثلاثه يطلب 800 قطعه
وانشاءالله راح نفتح محل اكسسوارات عن قريب بسوق الجديده بس مو حي الله اكسسوارات

ياناس تكفون تكفون حاولو والله راح تنجحون اذا مو هالمره المره اللي بعدها
ومثل ماقلت بالبدايه يكفيكم شرف المحاوله
واقول للي يبي ينسدح بالصاله ويبي الريالات تدخل في مخباته والله لتبطي

على فكره انا على استعداد اني اتعامل معاكم للي حاب يشتغل وانتم حطولي شروط وقوانين اللي تبونها لاني واثق من شغلي ودراستي للمواضيع
اسمحولي على الاطاله بالموضوع
تقبلووووووووووووو ودي و وردي

[صعبـ المنالـ]

السلام عليكم ورحمة الله وبركاته

مساء الخير

مااطول عليكم

انا بصراحه جت على بالي فكره و حبيت اشاور فيها
وابي اتفيدوني اللي على بالي مشروع صغير وجميل ومناسب على مااظن للي بعمري
انا انشاء الله كله شهر واحد واتخرج من الثانويه وحبيت اشتغل بالاجازه بدال ماتروح علي باللهو والاشياء اللي مامنها فايده
مشروعي هو اني بشتري نطيطه وبستاجر موقع منتزهات الحاجب على مدى الاجازه فاابي الاخوان اللي عندهم خبره بالمجال هذا يفيدوني ويعطوني معلوما كافيه عن المشروع

وشكرا

[احـسـاس طفله]

بصرااااحه خاطررري افتح مطعم رااايق نسائي خاص
وجزءخاص لتعليم الفتيات اوالخادمات الطبخ ...

لكن البلديه رافضه لعل وعسى مع الرئيس الجديد اقدرافتح هالمشروع والله ييسرللجميع امورهم ,,,

[أبوديان]

بصراحه موضوع رائع فكرت فيه من زمان

البعض عنده المال وليس عنده العزيمة
والبعض عنده الفكره وليس عنده العزيمة والمال
والبعض عنده العزيمة ويفتقر المال

وهذه الحياة فا المشاركة شي طيب كما قيل كل مشروك مبروك

والذي يجد في نفسه انه عنده فكره ومشروع والذي يجد ان عنده عزيمة للعمل فانا اكمل الاثنان لنصبح شراكه

بعد دراسة المشروع

[الـــرحـــال]

السلام عليكم ورحمة الله وبركاته
اولاً يااختي قمر اسأل الله الكريم رب العرش العظيم أن يرزقك رزقاً حلال وان يبارك لك في عمرك وفي مالك وان يرزقك من أوسع ابواب الخير
اما بالنسبه لي أنا بصراحه اني محتار اش النشاط اللي اقوم به اولاً انا ماني بالقصيم بعيد شوي انا بحفر الباطن وبس مقر عملي هنا بها المنطقه وعندي مبلغ ماخذه من البنك ولاودي احطه بشي ويروح علي مثل ماراحت مابالغ الاسهم الله لايعيدها
فكرت بتجارة السيارات لاكن مترددلان يبيلها انسان عنده خبره ومتمرس وغير كذا بالسيارات عالم اللهم ياكافي شريطيه الله يهديهم بس غش عيني عينك وانا والله مااقدر اكون كذا وان شاء الله مااغش مسلم وافكر بمغسلة سيارات وهم متردد والى الحين ماادري اش اسوي اذا عندك فكره جديدة الله يعافيك لاتبخلي فيها علي ولك تحياتي ودعواتي

[بكيراوي عشريني]

حلووووين بسم الله عليكم = ربي يوووووقفكم = الى الامام


مشاريعكم رايقه وحلوة -------
\
انا عندي خبرة كثيرة بهالمجالات حاب اساعدكم طبعا اقصد الشباب الطموح (الكفو)
\
منو يبي راس ماااااااال ~~~~
عطن مدة وقلي كم تبي فلوووس~~~
حنا بالسعودية معيشتنا متوسطة لكن فيه مداخيل كثيرة تقدر تحصل فيها راااس مال


الي بوصله والي انا جربته بعد ماتاجرة ودجيت وخسرة شوي وبعد مابعت سيارتي وشريت
سيارة اقل منه طبعا جلست لي فنرة مدري وش اسوي ومعاملاتي واقفه يبون فلوس تمشيه
وشتراكاتي بالغرفه التجاريه ووزارة التجارة وغييررررة من هالقلق مخلصه مدتة

فدخل براسي مشروع احصل منه اقل شي الف ريال يوميا واقدر احصل منه 60 الف بالشهر
هوو صعب بس كله ثلاثة اشهر وثاريك تتكلم بالمئة الف
انا جربته ثلاثة اشهر
هوو
اكد على سيارتي انقل من القصيم للمدينه ومن المدينه للقصيم يوميا رايح جاي وذا عندك عزيمه
رح مرتين باليوم
اقصد رح لمكان الكدادين ببريده وجلس صوت مدينه تقعد غالبا ساعتين وتركب معاك 6 انفار
الواحد ب90 وتوصلهم الدينه وترجع وتشيل نفس العدد ونفس القيمه بالرجعه
طبعا هي مو صعبة للي يبي يجمع راس مال يعني يجلس له 3اشهر فقط ولا 4
بس حبيت افيد الي يقول ماعندي راس مال وصدقون على ماقال الاخ بالردود ماراح يجيك شي
ونت متبطح بصالتكم وترى السعودية فيها مداخيل كثير لانه كبيرة وفيها اجانب واراضيه خاليه


وايمشروع اذا كان تخطيطة سليم راح ينجح و90 بالمية من نجاح المشروع (تسويقه)

الي يبي يستفسر عن اشياء كثيرة يمكن اقدر افيده واما الاخوات الي يقولن صناعات يدوية بالبيت
فيه مواقع تنشر زي كذا وتكوون دعاية لك حلوووة حيل



بالتوفيق