في ديرتي عنيزه

[محمد القحطاني..]

قصيده في ديرتي عنيزة

سبب كتابة هذه القصيده أن أحد الزملاء اقترح علي السكن خارج عنيزه في المحافظه التي يسكنها
وعندها هاضت قريحتي وكتبت هذه القصيده


مال الغلا يالعــواذل كود غاليهــا
محبوبتي و كل يوم الحب يـزدادي

من بد كل الغلا يا ناس انا اغليهــا
و احبهــا حب جنون ما هـو عــادي

هذي عنيــزة ولا بـه مـن يضاهيهـا
محلى نفوده و محلى جوهــا الهادي

فيها الشجاعة ويحكي عنها ماضيها
متميـزة بالعــلم من وقت الأجــدادي

يا زينهـا ويا حلاها و كل ما فيـهـا
فيها الغضا والنخيل وطلة الـوادي

يا الله يا حــي تـحمـيهـا واهاليهـا
آمين يا معتلي أدعيــك و أنــادي




كلمات الشاعر : محمد بن سلطان القحطاني