العودة   منتديات شباب عنيزة Shabab Onaizah > ..::( المنتدى الأدبي )::.. > ديوانية شعراء شباب عنيزة

ديوانية شعراء شباب عنيزة يمنع المنقول


إضافة رد
 
أدوات الموضوع إبحث في الموضوع انواع عرض الموضوع
قديم 23-05-2017, 08:56 PM   رقم المشاركة : 1
   
 
 
محمد القحطاني..
(..: أول الطريق إلى القمة :..)
 
 
   

 







 





محمد القحطاني.. غير متصل

محمد القحطاني.. is an unknown quantity at this point


افتراضي قصيدة حي الضليعه


.

.

قصيدة الضليعة الاكثر من مائة بيت
التي تحكي عن أوضاع الحي كاملة التي اعرفها والبعض استعنت بعد الله ببعض رجال أهل الحي الوفيين

القصيـــــــــدة


الله يا حيٍّ عجزنــــا بننســــــــاه
محفوظ حبـه داخــل القلب والعيـــن

حي الضليعـه كـل ما حل طريـــــاه
أســـج مدري يا علي رايحن ويــن

هي المعـزة هي غلا هي مزايـــــاه
مربـى الرجال الطيبين الكـريميــــن

يا زيـن ذاك الحي يا نـاس زينــــاه
ومساجدٍ فيها جموع المصليـــــــن

لا من فحمنا من اللعـب بعد ممساه
بيـزان ابن خراز للميّ باغيــــــــن

لا من ذكرت أهل البيوت المبنّــــاه
وبيوتهم مشيـداتٍ من الطيـــــــــن

يا طيبهم لا جيت لحدٍ بتنخــــــــــاه
وقفــاتهم للخيـر فـزّه و عجـليــــن

الله يجـازي من تـنكر لمربــــــــــاه
والله يعز اللي على الوصل وافيــن

امـام جامعنـا عسـى الله يا قــــــــاه
من كل شر و كل عين الحسـوديـن

الله عطاه اخلاق و بالدين قــــــواه
هـذا ابن مـذن كل علمه بـراهيـــن

وابن العويّد له معزّه وله جــــــــاه
محبـته عند الجماعة والاقصيـــن

و ابن حمودي المـؤذن سمعنـــــاه
صوتــه اذا أذن له الناس داعيـــن

ومسجد ابن فهد على اسمه سمـاه
وامامــه المـرشد يحب القوانيـــن

و ابن الضويحـي طيبات نوايـــــاه
هـــو المؤذن راعي الطيب والليـن

وقبله أبو فوزان بالصدق محــــلاه
رجـلٍ حكيم مثل سيفٍ بــــــحديـن

وايضا العبيكي كل محتاج يلفـــــاه
يســــــاعد المحزون ويسدد الديــن

واللي الى المحـــتاج يمد يمنـــــاه
ابن الرمخ جعله بجنات عليــــــــن

الله على ذيك الدكـاكين وش جـــــاه
راحـت وصارت ساحةٍ مابها شيـن

دكان ابن عليان وخليف شفنـــــاه
وغطيـمــل اللي للـحم حـد سكيــن

و أبو محسن بالحبابـه عرفنـــــاه
دكانـه اللـي عامـرٍ كـل شيء زيـن

دكان ابن سلوم كل شيء تلقـــــاه
من كل نوع و كـل ما يعجب العيـن

و دكان ابن خرافي ما فيه حليـــاه
بالزاوية يـمـتـاز يـفـتـح جـهاتـيــن

و دكان ابن خليفي أدوات تزهـــاه
دفــاتـر مـن أربـعـيـن لعـشـريـــــن

وابن صخيبر ياعسى اللاش يفداه
دكـــانه المعمور ما حنــاب بناسين

دكان ابن حميضي محلى زوايــــاه
رجل يخاف الله ويمتاز بالليـــــــــن

دكان ابن حميدان راعيه له جــــاه
هذاك أبو إبراهيم ما هوب خافيــــن

ومحل المصباح يزدان باضـــــواه
ببن الدريس اللي على الطيب رابين

حمد بن سلـــوم وافي بمعنـــــــــاه
بقـالته البــــاخرة جنب سيديـــــــن

دكان ابن حواس لا من جينـــــــاه
تلقى مواصير واسمنت سطريــــــن

والراوي المشهور عسى الله يرعاه
محمد العليــــــان وعلمه نياشيـــــــن

دكان ابن فراج اللي قصدنـــــــــــاه
اللى يأمن بالبضائـــــــع دكاكيـــــن

أبو عبدالله ليا مـــــــــن ذكرنــــــاه
جعله بجناتٍ على جال نهريـــــــن

دكان ابن سلوم قديمـــــــــا بذكـراه
عبدالعزيز معروف عنــد القديمــين

محلات غاز اثنين من هو تـــــولاه
هــذا الرمخ والصريخ ماهم رديين

دكان ابن شيوخ يا ناس محـــــلاه
مصفوفةٍ فيه السياكل بصفيـــــــن

محل ابن سويدان كل شيء ماخفاه
راعـــي دبابات لونٍ ولونيـــــــــن

مصنع ابن مصري للجـص عبــــاه
بكيــاس معباة والنــــاس شاريــن

تجارة الغشام كل شيء تلقــــــــــاه
سيـاكل الهمبر وساعات نوعيـــن

وام لنا ام الرمـــــخ مانسينــــــــــاه
والــــكل ياخذ رأيه اليا حصل شِين

بالرأي والحكمه والعدل مبـــــــــداه
يالله تجــزاها بجانتــــــــك اميــن

وام الحـــرابي له دكــان بمبنـــــــاه
تلقى الحريم متجمعه و متغطيـــن

و ام السـريـــــع لا لعبنـا و جينـــــاه
بـقالـتـه بالـبـيـت مالـش بابـيـــن

ياحلو ذاك السوق من بعد اعشاه
تلقى الحراج وفيه زينٍ على زيـن

حايط أبو إبراهيم محدٍ بيشنـــــاه
ملفى لكل النـاس اللـي مقيـمـيــن

الـــرشيد حايطهم محدٍ تعـــــــداه
تلقى الحريم يـسبـعـن المواعـيــن

ومنهن من يغسل ثيـابه بيمنــــاه
وأطفال معهم النـبـابـيـط حـافـيــن

واللي معه بندق يصوب لمرمـــاه
كلن على نوّه ماهوب زي هالحين

يا عل أبو إبراهيم يشرب من مـاه
في جنة الفردوس والله لـه يعيـن

وهذا المبـرّز ما نسينـاه جبنـــــاه
المـزرعه اللي أهلها عزيزيــــــن

راعيها ابن كنعان والطيب غطـاه
منصـور اللي وقفته بالمياديـــــن

وابن مصيريعي والطيب شــرواه
له مـزرعه منظمـه وبساتـيــــــن

قليب ضحيكه صافي عسل مــــاه
حــايط ابن مذن يروي الفريقيـــن

اجداد أبو إبراهيم لا لا عدمنـــــاه
الشاعر الجمعي صعوط المجانيــن

وأيضا حسو حمّاد يا ماه محـــلاه
تلقى العرب بقدورهم مستعديــــن

واقدم حفار اشتغل و طلع مـــــاه
عبدالعزيز الشبل في ذالك الحيــن

وعبدالله الخشيبان للحج عرفنـــاه
سيــارته تاقف حـول الـدكـاكـيــــن

وخليــــــف المسؤول للي اذا جـاه
يـرتب الحمله على الكيف ويعيــن

حملة ابن سليمان للناس عنّــــــاه
مجان لاهل عنيزة المستحـقـيـــن

سيـارة الببسي الى الجميـــح وداه
خــليفة البراهيم سقم المعاديــــــن

هذاك أبو إبراهيم والعيب عـــــداه
راع الكـرم من أصل ناس شجيعين

وعمير والدويــّـش طلقٍ محيــــاه
راعيـن مرسدسات والخاطر الزين

راعي جيب للمقانيــــص عنــــاه
هــــــذاك ابن بسام عوق الشياطين

واخوه محمد عسى الله يرعــــــــــــاه
ياعـــــــل ابراهيم بروض ورياحين

راعي فرتٍ لا مشى زين ممشـــــاه
يوصـل الركاب لو هــــــم بعيديـــن

ذاك القحطاني يوم راح وفقدنـــــاه
اللى يشيل الحمل مدبول حمليـــــن

أبو فهد للضيف يـــقول حيـــــــــاه
تلقى الرجال لمجلسة دوم عانيــن

وسليمان بن سلوم ياناس مهـــداه
وابن الحــمدّا وبالتعامل طيبــــــين

يوصلــــون لكل حيٍ لمربــــــــــاه
يسرون لو انه غدا الليل ليليـــــــن

معهم جموس والمكاين مصفــــاه
ومعبيـين من المحطات بنزيــــــــن

راع الوانيت اللى وفيٍ بمعنــــــاه
عبــــدالله المدالله والكل شاهديــــــن

عبدالله العكشان بالليل مســـــــراه
شجـــــاع يسري لو تثور البراكين

واللي يكد التكس لا من وعدنــــاه
عــبدالله الشويمان حطه على يمين

هذا القنيصي للغنم قد جمعنــــــــاه
يســــرحبها للصفراء واللي بعدين

وعبدالله الفايز عسى الرب يحمـــاه
رجــــــل حبيب ولا يحب كل واشين

وابن خويطر كل مكسور يلفــــــــاه
يــــــجبّر العيلان وأيضا المسنـيــن

وابن عويد اغلب الناس تنصــــــاه
مــــــتمكن بداء الحزا كل تمكـيــــن

هذا علي النقيدان كل شيء تلقــــاه
وهــــذا العسيمي والطويطين اثنين

ان جيت للابــواب خــذ ما تمنــــــاه
مـــــن غيرهم يا ناس مانتم بلاقين

هذي مناجـرهم ولا أحـدٍ تحــــــــداه
الفـــــــن كله والزخـارف كثيـريــــن

ومفسر الاحـلام مـا به مـــــــــراواه
هـــــــذا ابن غنـام علمـه علـى ديـن

وأبو حسن بعلم المواريث مخطـــاه
عبـــــــدالله البريكان ينهي لك السين

وام الرشيد بكل خـيـر عـرفـنـــــــاه
لامن نصيتـــــــه ما تأجل لـبـعـديـــن

وقت الولاده كل من جاء ينخـــــــاه
يا الله يــا ام إبـــــراهيم تكفين تكفيـن

تـفـزع لبنتـن تـالي الليـل قــــــــزّاه
وتتــــــــرك عياله لاجل ذولا مهميـن

عساها بجنات الولي يطيب ممشــاه
آميــــــــن يا رحمن يا قاضي الديـــن

وام المنيف وكل حرمه تـحــــــــراه
لا صـــار همه تالــــي الليل هميــــن

يا الله يا المعبود تحسن بمـثــــــواه
يا حـــــي يا رحمن رب المـلبيـــــن

وجدة ابن مرشد محلى حكايــــــاه
عند الحـــريمه تخلي الناس هادين

وتلطف الأجواء رغم المعانـــــــاه
لحــــد ما تـولـد وهم قبل شـاقيــن

الدين به والحلم وأيضا سجايـــــاه
يا الله تغفــــر له يا رب المنـاديــن

وجباله اللي تعالج الناس بدعــــاه
تقـرى وتدعي بالشفاء للمريضين

ودحيمه السلـــوم يا زين اقــــراه
تقـراء على العالم ولا تاخذ الشِين

والى تعالج كل طفلا بيمنـــــــــــاه
اصله من السلوم ما هوب غاوين

وام صالح الدفاع الكل ينصــــــــاه
و ام الـــدويـش كلـهم للــبزاريــن

يرفّعون الطفل لا زاد ببكـــــــــــاه
يا الله عســـاهم بجنة الخلد آميـن

وام صالح الريّس الكل نـــــــــاداه
وقت العروس ويمه الناس عانين

كل الحريم اللي قماش(ن) تمـنـــاه
عند الغفيـــلية متر(ن) ومتريــــن

وخبازنا ناصر وفرحان ويـــــــلاه
تلقى المــلاقح مرتبه دور دورين

وأحيا عنيــــزة حقها ما هضمنـاه
فيهم رجـــال ترد الصاع صاعيــن

يسلم محافظنا عسى الله يحمــــاه
اللي له بالعـــز مجد وسلاطيـــــــن

ذولا السليم وكل من جاء لحمـــاه
دون البلد شــجعان ماهمب رديين

كل البلد واحد وكل(ن) ومربـــــاه
والله يديــم الأمــن ويقوي الديــــن

في ظل عاهلنـــا المليــــك الـمفداه
سلمـــان بوجوده العيد عيديــــــن

ويا الله يا رحمـن يا مـن ترجـــــاه
انـــــك تعيـن اللـي منـهـم حيـيـــن

وتغفر ذنوب اللي راحوا وخــــلاه
في جــنة الفردوس للخير لاقيـــن

وارجوا السموحه كان محدٍ ذكرناه
وما يـمنع الاخوان اخو(ن) يقدّين

قاله أبو سلطان قــاف(ن) على آه
محمد القـــــــــحطان لو تسهر العين

يالله يالمعبود اتحقــــق امنـــــــــاه
لــكل من صلى والنـاس نيميـــــن

وختامها صلو على من رضينــــاه
نبينــــــــــا اللي ثبت الحق والدين


الشاعر / محمد سلطان القحطاني



















  رد مع اقتباس

إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

الساعة الآن 04:26 PM.


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
دعم واستضافة: فنتاستك لخدمات الواب

رقم التسجيل بوزارة الثقافة والإعلام - م ن / 153 / 1432

Ads Organizer 3.0.3 by Analytics - Distance Education
المواضيع و المشاركات المنشورة تمثل وجهة نظر كاتبها وليست بالضرورة أن تمثل الرأي الرسمي لإدارة منتديات شباب عنيزة